Evento: Obradoiro Internacional de Tradución Poética 'Con barqueira e remador'
Obradoiro Internacional de Tradución Poética 'Con barqueira e remador'
O Obradoiro Internacional de Tradución Poética 'Con barqueira e remador' celebrarase a partir do 30 de novembro e durante unha semana a súa novena edición nun formato totalmente en liña. Baixo a dirección da poeta Yolanda Castaño, esta programación desenvolverase, por primeira vez, mediante a plataforma webex e emitirase na canle de Youtube da Consellería de Cultura da Xunta. Realizarase un recital en streaming o 3 de decembro ás 17,00 horas.
Nesta novena edición participarán poetas en seis linguas, en concreto Lara Dopazo (galego), Laia Malo (catalán), Grazyna Wojcieszko (polaco), Laura Accerboni (italiano), Zhou Zan (chinés) e Barbara Pogačnik (esloveno).
A Consellería de Cultura, Educación e Universidade apoia desde o seu nacemento o Obradoiro Internacional de Tradución Poética Con barqueira e remador, un evento xa consolidado na programación cultural galega e que nas súas últimas edicións se viña desenvolvendo na Illa de San Simón.
Máis eventos de tipo Obradoiro