Evento: 37ª Mostra Internacional de Teatro Cómico e Festivo de Cangas

37ª Mostra Internacional de Teatro Cómico e Festivo de Cangas
xoves, 9 xullo, 2020 a sábado, 18 xullo, 2020
Varios espazos
, Cangas

37ª Mostra Internacional de Teatro Cómico e Festivo de Cangas

Está organizada desde 1984 pola Asociación Cultural Xiria

A 37ª Mostra de Cangas contará con 10 espectáculos galegos, tres deles estreas absolutas: O Monte das Aras, a cargo de Teatro de Ningures; Hell Brothers, por CirKompacto; PYKA, por Cinema Sticado, e As boas actrices, pola compañía 3 (Clara Gayo, Mónica Camaño e Arantxa Villar). A estas propostas súmanse Commedia, de Contraproducións; Guerra de identidade, de DeuVe; Liberto, de Rebordelos Teatro; Só, de Xanpatito Pato; Dúas donas que bailan, de Teatro do Atlántico, e As virxes salvaxes, de Teatro do Noroeste.

Completan a carteleira Napoleão, da lusa Companhia do Chapitô; Dolce Salato, da italiana Carpa Diem; a coprodución galego-brasileira Circo de Lume, de Asasocirco; a italo-cántabra Punto y Coma, de El Cruce; a madrileña The Pimitals, de Producciones Yllana e Primital Bross, e a vasca Tonbola, a cargo de HIKA Teatroa.

A programación inclúe o IV Torneo de Dramaturxia, actividade na que colabora o Centro Dramático Galego e na que competirán María Lado, Roberto Salgueiro, Marta Pérez e Fernando Castro Paredes, con Esther F. Carrodeguas como condutora.

Contexto poscovid
A edición deste ano, que achegará novas localizacións ao aire libre para facilitar a distancia social, mantén a xornada Mulleres en Acción, que chega á súa vixésima entrega co título Fenda laboral das profesionais das artes escénicas e audiovisuais. Antes e despois da pandemia, así como diferentes actividades divulgativas, talleres, presentacións de libros, coloquios e exposicións. O contexto poscovid tamén centrará o encontro de teatro Nova Realidade, para abordar as consecuencias que nesta arte está a ter a crise sanitaria actual.

O pregón inaugural correrá a cargo de Paula Carballeira e os dous galardóns que se outorgan serán para Quico Cadaval (XXXIV Premio Xiria ao Labor Teatral) e para Mercedes Oliveira (Premio Mulleres en Acción).

Máis eventos de tipo Espectáculo

25ª Mostra de Teatro Universitario (MITEU) de Ourense
2 de xullo a 15 de xullo
Teatro Principal de Ourense
Cirko Psikario- Aloló
9 de xullo
Terraza do Auditorio Municipal
Dolce Salato
10 de xullo
Nave de Ojea
Luis Zahera- Lo mejor de lo mejor
11 de xullo
Teatro-Cine Salesianos