Evento: Invisibles

A escritora Montse Fajardo presenta o seu último traballo, Invisibles, onde recolle o testemuño de sete mulleres vítimas de violencia de xénero.

Un entra en Invisibles como quen entra na casa doutro, pero da man de alguén moi próximo ao seu dono. Montse Fajardo, a nosa guía, móstranos un lugar que non lle pertence, pero que adora. As palabras -os armarios, as portas, os pratos- non son elas, senón esas mulleres que sufriron abusos, as propietarias desas casas, pero ela leva a maxia narrativa, estrutura a trama co despacho de quen acostuma. escoita a vida real e converte ese cúmulo de pertenzas que poboa as habitacións de sete vidas rotas nun inventario de memorias, experiencias, causas e efectos, silencios e cegueira, nun fogar no sentido etimolóxico da palabra: lugar habitado pola lume.