Evento: Peza do mes: A revista Nós e o Museo

  • Portada da publicación da Peza do Mes de xaneiro do Museo Arqueolóxico de Ourense
Peza do mes: A revista Nós e o Museo
mércores, 15 xaneiro, 2020 - 20:00
Museo Arqueolóxico Provincial de Ourense
, Ourense

Peza do mes: A revista Nós e o Museo

Presentación pública, conferencia e publicación virtual mensual para afondar no coñecemento de pezas pertencentes ao fondo do Museo

Nesta ocasión a peza procede do fondo documental do Museo, que conserva unha colección completa da revista Nós proveniente, con toda probabilidade, dos antigos fondos da Comisión de Monumentos.

A editorial Nós será un fervedeiro de actividade do que sae a práctica totalidade do publicado en galego no seu tempo, e punto de encontro dos maiores intelectuais galegos, entre 1920 e 1936.

Para coñecer moito máis da historia de Nós, dos seus creadores, e da especial relación co Museo Arqueolóxico, escóllese a presentación pública desta peza singular para comezar o ano.

Como cada mes, o Museo escolle algunha peza de entre os seus fondos –neste caso, dos documentais- para ser tratada de xeito pormenorizado e darlle maior visibilidade, afondando no seu contexto e características, datas, filiacións, etc., e reforzar así o seu valor.

A presentación pública e a publicación, na que mensualmente unha persoa especialista ou investigadora da a coñecer a historia particular, o contexto histórico e as características formais e de estilo da peza escollida, este mes están a cargo de Afonso Vázquez-Monxardín Fernández.

Máis eventos de tipo Xornada/Congreso

X Encontro de Artistas Novos: #EAN10
23 de agosto a 27 de agosto
Evento online
I Congreso Internacional Teatro Galego
7 de outubro a 10 de outubro
Evento online
Ponteandadas
Fisioterapia e alimentación saudable
18 de outubro
Casa da Luz, Praza da Verdura