Evento: A nena e o grilo máis aló

sábado, 9 novembro, 2019 - 12:00
Casa da Cultura
, Boimorto

A nena e o grilo máis aló

Os coñecidos personaxes que protagonizaron os espectáculos de dinamización lingüística A nena e o grilo (Bocaberta, 2010) e A nena e o grilo nun barquiño ​(FalaRedes 2013) chegan con novas aventuras.

Á oitava edición do programa que a Secretaría Xeral de Política Lingüística leva a concellos da Rede de Dinamización Lingüística (RDL) súmase A nena e o grilo máis aló, unha proposta teatral e musical de dinamización lingüística para toda a familia que chegará no outono da man de Magín Blanco e Teatro Ghazafellos (Montse Piñón, Pepablo Patiño e Jorge Casas), con música en directo de Cristian Leggiero, a dez concellos galegos.

Nesta terceira entrega, os dous personaxes, Nena e Grilo, continuarán a súa descuberta do mundo, interior e exterior, e dos seus segredos, a través da palabra, dos afectos e da música en directo, nunha trama na que o misterio, os medos e os valores da afouteza, solidariedade e amizade adquirirán moita importancia.

A nena e o grilo esmagallan sen querer a súa amiga Xertrude a araña e, no intento de facela rexurdir, atoparán uns artistas ambulantes que os guiarán ao país dos mortos para traela de volta. A nena e o grilo máis aló é unha divertida e evocadora historia que nos transporta ás buscas máis insólitas.

Máis eventos do ciclo FalaRedes

Rosa caramelo e outras historias
22 de novembro, 18:00
Biblioteca Pública Municipal
Fillos do sol
22 de novembro, 20:30
Auditorio Municipal
Rosa caramelo e outras historias
23 de novembro, 12:30
Salón García
Fillos do sol
23 de novembro, 20:30
Casa da Cultura