Evento: Alejandro Vargas Consort e Rosa Cedrón
Alejandro Vargas Consort e Rosa Cedrón
Concerto en formato de cuarteto sobre as músicas reinterpretadas do compositor José Castro “Chané” en clave de jazz cubano para presentar o disco que se lanzou este outono nun proxecto especial argallado pola Central Folque para conmemorar o centenario da morte do xenial músico.
Este concerto de Alejandro Vargas Trio coa cantante Rosa Cedrón fai un repaso dos 12 temas do disco de “Chané na Habana”, gravado a finais de xullo no Auditorio de Galicia para sexteto de jazz e camerata clásica.
Arranxos actuais sobre o repertorio recuperado de Chané, unha das figuras do rexurdimento musical galego a finais do século XIX e que morreu na Habana no 1917.
Co obxectivo de ofrecer unha visión nova e desprexuiciada do clásico galego abórdase a súa obra dunha forma inédita: desde o sentir musical cubano. Chané viviu e desenvolveu grande parte da súa obra na Habana, onde morreu.
Hoxe, cen anos despois da súa morte, son unha selección de extraordinarios músicos liderados polos cubanos Alejandro Vargas e José Manuel Díaz os que abrazan e reelaboran o seu repertorio para devolvelo con unha nova vitalidade ao maxín popular galego.
Alejandro Vargas: piano e arranxos
José Manuel Díaz: contrabaixo e arranxos
L.A.R. Legido: batería
Rosa Cedrón: voz
Máis eventos de tipo Concerto