Evento: Lume

Nun bosque onde vivían moitos animáis algo pasou que fixo ladrar ao can....
Unha lapa de lume chegou con ganas de facer un incendio. O can chamou á vaca, a vaca ao cervo, o cervo á xabarila, a xabarila á landra, a landra preocupada foi buscar ao moucho que avisou a araña. A araña viu ao ourizo, o sapo alertou á garza que estaba comendo miñocas. A eiruga falou coa bolboreta , voluntariosas chegaron a vacaloura e o esquío. E así foi como, axudándose uns aos outros, prepararon un plan para apagar o lume.

Nesta proposta innovadora de teatro de obxectos, dúas titiriteiras recrean un bosque e os seus animais para contar esta historia de sensibilización ambiental dirixida a nenos e nenas de 2 a 10 anos, utilizando unha técnica mixta de contacontos e monicreques de mesa.
Neste proxecto facemos visible o traballo de moitas mulleres adicadas a diferentes facetas artísticas en diversos puntos do planeta. Mulleres e homes tod@s implicad@s en crear emocións, divulgar valores de cooperación, respecto e compromiso social dende as linguaxes particulares das súas creacións.