Evento: Falar por falar
Falar por falar
Todo indica que o futuro da lingua galega é incerto. Malia os niveis de protección legal do idioma, e case dous séculos de rexurdimento civil e literario, o descenso de falantes é evidente, con grande incidencia nas novas xeracións de galegas e galegos. Pero alén e aquén das análises socio-lingüísticas, a lingua segue viva e reclama o seu lugar natural nas nosas vidas. Atravesada por conflitos de longa data e certamente mareada polos avatares da política, a lingua espera sempre por nós nalgún punto do camiño. Moita xente mamouna no berce, outra demorou en romper a falala, e hai quen nunca a falou nin nunca a falará. Por iso Falar por Falar proponnos un achegamento á realidade da lingua, desde a propia vivencia dos falantes e os non falantes.
A partir dun traballo de documentación previo, os dous intérpretes do espectáculo botan man de todos os recursos teatrais dispoñibles para abrir o corazón da lingua e descubrirnos as tristezas e alegrias que o habitan