Evento: Café da memoria: as conserveiras
Café da memoria: as conserveiras
22 de novembro ás 20h no Auditorio: o músico e investigador Xurxo Souto presentará o proxecto de recuperación de cantigas de traballo das mulleres do mar. No acto participará Cantarelas, que poñerán voz a algunha das pezas recuperadas por Souto.
24 de xaneiro a partir das 18:30h: café coas protagonistas. Estarán algunhas operarias que traballaron nas fábricas de conserva da zona de Cangas e de Camariñas para falar das súas experiencias. A mesa estará moderada pola historiadora Encarna Otero. A fin destes encontros é preservar os saberes que gardan estas mulleres como parte do noso patrimonio cultural inmaterial.
Esta actividade conta coa colaboración de MAOS Innovación Social e do Concello de Santiago de Compostela (Pazo de Raxoi). A asistencia a ambas actividades é libre e gratuíta.
Máis eventos de tipo Xornada/Congreso