Evento: Marcelo Macías

  • Retrato de Marcelo Macías. José Pacheco. Museo Arqueolóxico Provincial de Ourense
  • Cartel da exposición sobre Marcelo Macías no Museo Arqueolóxico de Ourense
Marcelo Macías
mércores, 31 outubro, 2018 a domingo, 20 xaneiro, 2019
Museo Arqueolóxico Provincial de Ourense
, Ourense

Marcelo Macías

Mostra que conmemora o 175 aniversario do nacemento do impulsor do museo

No 2018 faise o 175 aniversario do nacemento dunha figura referente en Ourense na última década do século XIX e o primeiro terzo do XX, Marcelo Macías García. Unha personalidade que abarcou diferentes facetas entre as que cabe destacar as de historiador, profesor e conservador do Museo Arqueolóxico Provincial de Ourense, ademais do que poderiamos chamar "animador cultural".

O obxectivo desta exposición é dar a coñecer máis polo miúdo o amplo labor realizado por Marcelo Macías no seu tempo e lugar, e transversalmente o dos seus contemporáneos, preludio e fundamento de movementos anovadores posteriores como o denominado Grupo NÓS, e sobre todo para dedicarlle esta merecida mostra temporal ao que foi o seu mentor institucional.

A exposición pretende mostrar as diferentes facianas da súa personalidade e actividade. Este crego, historiador, epigrafista, numismático e mestre, amais de ilustre ourensán de adopción e pioneiro da arqueoloxía na provincia, desempeñou, desde finais do século XIX e durante as primeiras décadas do XX, o papel de dinamizador cultural na cidade das Burgas. De feito, o seu inxente traballo xerou un substrato fértil para a renovación cultural impulsada pola Xeración Nós a partir dos anos vinte do século pasado.

O Museo Arqueolóxico Provincial de Ourense comprázase en presentar esta exposición sobre quen foi o seu mentor e deu nome á asociación de colaboradores do museo e arquivo, encargada da edición, entre outras publicacións, do Boletín Auriense, continuador do traballo emprendido polo Boletín da Comisión Provincial de Monumentos de Orense.

Máis eventos de tipo Exposición

Mapa de desexos de Luís Seoane
18 de xullo a 6 de setembro
Fundación Luís Seoane
Crecer co mar. Os gozos e as sombras dunha vila mariñeira
6 de agosto a 30 de decembro
Museo Massó
Colección Abrente. Arte galega no desafío cultural dos 70
6 de setembro
Museo Etnolóxico de Ribadavia
Colección Abrente. Arte galega no desafío cultural dos '70
6 de setembro
Museo Etnolóxico de Ribadavia