Evento: Wendy vai a México, un cómic sonoro
Wendy vai a México, un cómic sonoro
Na súa sexta edición, o ciclo Do Audible leva a Ourense un concerto arredor da literatura e da improvisación electroacústica. Procedente de Austria, Natascha Gangl, dramaturga e creadora de instalacións teatrais, presentará xunto ao dúo electroacústico Rdeča Raketa un cómic desbordante de enerxía baixo o título Wendy vai a México.
A Secretaría Xeral de Cultura da Xunta de Galicia e a agrupación Vertixe Sonora Ensemble, composta por solistas de música contemporánea, xente do teatro e a danza de Galicia e Portugal, organizan de forma conxunta o ciclo Do Audible, no que buscan achegar novas formas de expresión contemporáneas a través da música, en diálogo coa arte, coa ciencia e co pensamento. Toda a programación é de entrada gratuíta ata completar a capacidade.
Máis eventos de tipo Concerto