Evento: Os temas da arte. A arte e a historia da moda no século XX

  • Os temas da arte. A arte e a historia da moda no século XX
  • Curso de arte “A arte e a historia da moda no século XX” no Museo de Belas Artes de Coruña. Fragmento de Juventud (1948), de Julia Minguillón (depósito do Círculo de Bellas Artes de Madrid). Museo de BBAA da Coruña
mércores, 18 abril, 2018 - 18:30
Museo de Belas Artes
, A Coruña

Os temas da arte. A arte e a historia da moda no século XX

Unha reflexión sobre o papel que tivo a arte no deseño e a concepción da moda en diferentes períodos do século pasado

O curso, de carácter anual pretende achegarse a un colectivo adulto non especializado que busque aspectos diferentes para achegarse á Historia da Arte.

Nesta ocasión, os mércores de cada mes entre o 11 de abril e o 9 de maio, percorreranse os distintos aspectos do mundo artístico que influíron no deseño e a concepción da moda, dende as influencias orientalistas do vestiario do ballet Scheherezade, estreado por primeira vez en 1910 na Ópera de París, pasando polas consecuencias das dúas Guerras Mundiais no campo do vestiario, ata as colaboracións de distintos grafiteros con grandes casas de moda dende os anos 80.

O curso contará cun total de cinco sesións (dunha hora de duración), durante as que se abarcarán os seguintes aspectos:

11 de abril: A influencia dos ballets rusos na moda do século XX

18 de abril: Deseñadores e surrealismo, as colaboracións artísticas dos anos 20 e 30.

25 de abril: O bikini, o new look e o glamour de Hollywood.

2 de maio: A revolución da minisaia.

9 de maio: A arte urbana e a moda, últimas tendencias.

Profesora: Mónica Rey Cabezudo

O curso conta coa colaboración da Asociación de Amigos do Museo e coa da Deputación da Coruña.

Prazas limitadas con inscrición previa

Matrícula: 15 € (Amigos do Museo: 10 €)

RESERVA DE PRAZA:

. Desde a páxina web

. Por correo electrónico: mu.belas.artes.difusion@xunta.gal

. Chamando ao museo, tlf: 881 881 700 (horario de luns a venres de 10:00 a 14:00)

Máis eventos de tipo Xornada/Congreso

Montes, territorio e paisaxe
27 de setembro a 28 de setembro
Consello da Cultura Galega
I Xornada de Bibliotecas Públicas
26 de outubro
Cidade da Cultura de Galicia
El séptimo vicio
16 de outubro
Centro Galego de Artes da Imaxe (CGAI)
Planetario Ciencia Kids
Planetario Ciencia Kids-Fulldome space
23 de novembro
Biblioteca Pública de Lugo