Evento: This is not an exit

O austríaco Markus Muntean e o israelí Adi Rosemblum forman parella artística desde 1992. A súa obra foi mostrada en diferentes salas, entre as que destacan a TATE Britain de Londres, e algúns dos seus traballos atópanse nalgunhas das coleccións máis importantes de arte, como a do Museo de Arte Moderna de Nova York. No ano 2001 recibiron o prestixioso Premio Cidade de Viena de Artes Visuais.

This Is Not an Exit alude ao propósito do corredor de parkour de achar un camiño onde aparentemente non o hai, cuxo obxectivo é desprazarse, sen equipo nin axuda de ningún tipo, por unha contorna complexa, dun punto a outro, da forma máis rápida e eficaz posible.