Evento: Ringo Starr

Ringo Starr, un dos compoñentes de The Beatles, visita por primeira vez España en solitario tras os seus máis de 40 anos de carreira.

O motivo da xira é a recente estrea de seu decimonoveno álbum de estudo, Give More Love, publicado pola discográfica Universal Music en setembro de 2017, e que conta coa colaboracións de artistas da talla do seu ex compañeiro de banda Paul McCartney.

Como non podía ser doutra forma, en directo o Beatle sempre se rodea dunha banda de luxo, a All Starr Band, pola que nos últimos anos pasaron ilustres músicos compoñentes de grupos como  The Who, Journey, Cream ou Eagles.

No concerto, o británico repasará un repertorio formado por cancións de The Beatles, as súas propias e algunha sorpresa máis.