Evento: O gaiteiro bucólico

O espectáculo Concerto bucólico conta a historia de Pedro, o tátaraneto do Gaiteiro Bucólico, quen herdou un montón de instrumentos, partituras, e trebellos aos que decide sacar o polvo e facer soar de novo. Agora Pedro vestindo o vello chaqué e o sombreiro de copa do seu antepasado, narra a historia deste, facendo unha viaxe sonora dende que era un neno de aldea que facía as suas primeiras frautas con pallas e herbas, ata que se convertiu nun musicólogo moi importante e de moita sona.
Así Pedro, ao tempo que vai contando as etapas da vida do seu tataraavó, vai explicando os seus descubrimentos musicais e vai amosando as peculiariedades sonoras de cada un dos instrumentos que herdou.
Trátase dun concerto didáctico, no que se fai unha ampla exposición de instrumentos musicais tradicionais, algúns tipicos como a gaita, a zanfona ou a pandeireta, e outros máis ancestrais como a frauta de palla de centeo, o mexacán, a tarabela, o corno de vaca, ou o latón de pimentón.