Evento: Lavandeiras

domingo, 24 setembro, 2017 - 20:00
Salón de actos do concello
, Fisterra

Lavandeiras

Espectáculo de teatro, humor e emoción arredor dun oficio que forma parte do imaxinario colectivo

Elenco artístico: Vero Rilo e Carlos Quintá
 
Un espectáculo cheo de amor, humor e emoción.

O oficio das lavandeiras forma parte do noso imaxinario colectivo. As mulleres á beira do río, de xeonllos, fregando a roupa tecen unha estampa que se repetiu ao longo da nosa historia. Ao seu redor, as lendas e os contos protagonizadas por este grupo de mulleres sucédense ao longo da nosa xeografía, tanto física como identitaria. Daboapipa recolle ese patrimonio oral,  musícao, dálle forma e agasállallo ao público, descubríndolle os outros relatos ao redor dos lavadoiros.

Desde as máxicas e fantasmagóricas lavandeiras enchoupadas en sangue que xurdían da noite traendo malos presaxios até as cancións populares que compoñían de forma colectiva todas estas mulleres.

A voz de Vero Rilo e a música de Carlos Quintá enfían estas pezas da nosa historia nun espectáculo único, de diversión e coñecemento, propio para un público adulto con curiosidade polo noso devir como pobo.

Espectáculo de Cultura no Camiño. Confirmar datas e horas nos concellos onde se representa.

Máis eventos de tipo Espectáculo

Série 0, Descontruindo, de Fátima Teles
XII Bienal de Pintura Eixo Atlántico 2017-2018
9 de novembro a 27 de novembro
Sala de Exposicións da Plaza do Príncipe
Queen Forever
QUEEN FOREVER. We are the champions tour 2017
25 de novembro
Palacio de Congresos e Exposicións de Galicia
Píscore
30 de novembro
Teatro da Cidade Universitaria
Pantomima Full
Pantomima Full
1 de decembro
Auditorio Municipal de Vigo