Evento: Resaca

xoves, 7 decembro, 2017 - 21:00
Teatro Principal de Pontevedra
, Pontevedra
Ilmaquinario Teatro reflexiona sobre a memoria individual e colectiva

Resaca é un espectáculo multidisciplinar no que o teatro conversa coa performance, a poesía, a narración oral e a música en directo para tratar de recompoñer a historia da vida de Álex, unha persoa común que dalgunha maneira resume e simboliza o sentir dunha xeración que continúa buscando o seu lugar nun mundo que se atopa en proceso constante de transformación e crise.

Resaca é o resultado dun traballo documental sobre a memoria familiar e afectiva de todos os membros de ilMaquinario Teatro, a través da súa relación cunha persoa recentemente desaparecida. A reflexión sobre a súa perda activa a súa necesidade para salvagardar a memoria común fronte a vertixe cotiá que nos empurra cara adiante sen ter en conta a importancia do pasado.  Unha viaxe na que o espectador transitará polos territorios da tenrura, a comicidade, a reflexión e a emoción da man de cinco intérpretes que fan das súas propias vidas materia escénica.

Máis eventos do ciclo Rede galega de teatros e auditorios

Concerto singular
19 de outubro, 18:00
Casa da Cultura do Milladoiro
Dúas donas que bailan
19 de outubro, 20:30
Pazo da Cultura de Narón
A leituga
19 de outubro, 21:00
Auditorio Municipal de Vigo
Cranios privilexiados... ou crítica da razón perralleira
19 de outubro, 21:00
Casa da Cultura de Bertamiráns