Evento: Leilía

sábado, 17 agosto, 2019 - 22:00
Refuxio de Pescadores de Covas-Negreira
, Negreira
Concerto-presentación do traballo ConSentimento, homenaxe ás mulleres que conservaron e transmitiron a tradición oral galega

A finais do 89 decidiron  dar a coñecer a música tradicional de Galicia, ao son de pandeiretas e voces, convencidas de que o canto galego, pola súa singularidade e forza, debía ter un espazo propio nos escenarios.

ConSentimento é unha homenaxe a todas as mulleres que fixeron e fan realidade a creación, a conservación e a transmisión da tradición oral galega. Un agradecemento personificado na figura de   Eva Castiñeira, unha cantadora, unha pandereteira, unha muller como tantas e tantas mulleres que dende case o anonimato sementaron a nosa terra de arte, cultura e beleza.

Coa inestimable colaboración do músico e arranxista compostelán Xoán Porto, propuxeron neste quinto traballo unha concepción musical acorde a unha nova realidade. Un disco con vocación acústica, no que a guitarra, o acordeón, o contrabaixo e a gaita, abrigan á perfección a beleza do canto tradicional e os versos de varias das mellores poetasgalegas da actualidade: Ana Romaní, Yolanda Castaño, Eva Moreda, Mariña Pérez, Eva Veiga, Ana Amado e Marilar Aleixandre. O deseño do espectáculo corre por conta doutro dos grandes profesionais da escena galega:Quico Cadaval.

Este concerto forma parte da programación Cultura no Camiño, que leva música, danza, teatro e novo circo polos concellos onde discorren as rutas xacobeas.

Outras datas

Máis eventos do ciclo Cultura no Camiño

Contos a pé de rúa
24 de xullo, 20:00
Centro cultural municipal
4.0
24 de xullo, 20:00
Parque de San Francisco
Soul&Roll
24 de xullo, 23:00
Aira de Arriba
Frik&Paldis
25 de xullo, 14:00
Praza do Portal