Día da Ilustración

  • Día da Ilustración 2020. Cartaz
    Día da Ilustración 2020. Cartaz

Unha das datas destacadas do Calendario do Libro e da Lectura de Galicia é o Día da Ilustración, que foi instaurado en 2014 cada 30 de xaneiro, coincidindo co día do nacemento de Alfonso R. Castelao. Como se vén facendo desde hai varios anos, este día, ademais de lembrar e reivindicar o papel dos profesionais da ilustración na industria cultural galega, serve para homenaxear un autor ou autora que aportou na historia da ilustración galega.

O Día da Ilustración é unha iniciativa da Consellería de Cultura e Turismo da Xunta de Galicia en colaboración coa Asociación Galega de Profesionais da Ilustración (AGPI).

O 30 de xaneiro de 2020 celébrase o Día da Ilustración, unha data impulsada pola Consellería de Cultura e Turismo da Xunta de Galicia en colaboración da Asociación Galega de Profesionais da Ilustración (AGPI).

A persoa homenaxeada este ano, por proposta de AGPI, é o ilustrador ourensán Cándido Fernández Mazas (Ourense, 1902 – Ponte Caldelas, 1942). Para máis información sobre Cándido Fernández Mazas, pode visitarse o sitio web do Día da Ilustración: https://www.diadailustracion.gal

O cartel do Día da Ilustración de 2020 é da autoría da ilustradora Xulia Pisón (A Coruña, 1985), e nel detállanse as actividades realizadas nas bibliotecas públicas Juan Compañel de Vigo; Antonio Odriozola de Pontevedra; Miguel González Garcés da Coruña; Ánxel Casal de Santiago de Compostela; Pública de Lugo;  Pública de Ourense; e Biblioteca de Galicia. E nos centros de formación que incorporan a estudos relacionados coa ilustración: EASD Antonio Faílde de Ourense e a EASD Pablo Picasso da Coruña.

Cartel do Día da Ilustración 2020

No edificio da Biblioteca e Arquivo de Galicia da Cidade da Cultura pode visitarse a exposición “Cándido Fernández Mazas: signos dunha quimera”, organizada pola Biblioteca de Galicia.

Cartel da exposición na Biblioteca de Galicia

Aquí pode verse o audiovisual elaborado pola AGPI sobre Cándido Fernández Mazas: 

Pola súa parte, as escolas de artes Pablo Picasso da Coruña e Antonio Failde de Ourense prepararon un programa de actividades baixo o título de 'Allariz Debuxado'. Presentan esta programación cun cartaz da autoría do ilustrador Miguel Robledo.